Gjermani: Lajm i mirë për prindërit shqiptarë, rriten shtesat për fëmijë

pixabay

Bëhet e ditur se nga 1 janari të vitit 2023, në Gjermani do të jepen ndihma të rëndësishme për të gjithë qytetarët, e në veçanti për familjet me të ardhura më të vogla, përcjell albinfo.ch.

Prej muajit janar do të rriten shtesat për fëmijë në 250 euro. Shtesat në të ardhmen do të jenë të njëjta për të gjithë fëmijët, pra 250 Euro.

Familjet me të ardhura më të vogla do të kenë të drejtë të marrin një ndihmë të posaçme që quhet „Soforzuschlag“, por kanë të drejtë të marrin edhe „Kinderzuschlag“, pra një ndihmë tjetër e cila aktualisht është 229 euro, por edhe ajo do të rritet.

Formularët për të bërë këto kërkesa mund ti gjeni në Agjencinë për punë dhe ato duhet të paraqiten në Entin për Familje, pra Familienkasse. Më një janar futet në fuqi edhe Ligji për ndihmat sociale, të cilat më nuk do të quhen Hartz IV por Buergergeld, pra një lloj fondi për ndihmën e qyetarëve.