Gjermania merr miliarda euro kredi e grante nga BE

Foto Twitter: @NationalIndNews

Gjermania dhe katër vende të tjera të Bashkimit Evropian kanë marrë disa miliardë euro kredi dhe grante nga BE-ja, njoftoi sot Komisioni Evropian.

Paratë vijnë nga “Fondi i Rimëkëmbjes së Covid-19” i BE-së, i cili u krijua në 2021 për të trajtuar pasojat ekonomike nga pandemia.

“Gjermania mori 13,5 miliardë euro – pas zbatimit të reformave në politikën e klimës dhe energjisë, si dhe digjitalizimin”, tha komisioni.

Kjo përfshin zhvillimin e mëtejshëm të një strategjie kombëtare të hidrogjenit dhe promovimin e lëvizshmërisë së pastër.

Deri më tani, Gjermania ka marrë 19,75 miliardë euro – për dixhitalizimin e administratës publike dhe transportin më miqësor ndaj klimës, si promovimi i automjeteve elektrike.

Gjermania mund të aksesojë deri në 30,3 miliardë euro nga fondi.

Republika Çeke, Italia, Rumania dhe Portugalia gjithashtu morën një total prej rreth 50 miliardë eurosh nga fondi.

Për të përfituar ndihmën, shtetet e BE-së duhet të paraqesin një plan për projektet e investimeve dhe reformave digjitale dhe të qëndrueshme.

Financimi është i bazuar në performancë dhe disbursohet vetëm pasi të jenë arritur kushtet e përcaktuara për zbatimin e reformave.

Fondet financohen nga borxhi, i cili duhet të shlyhet bashkërisht deri në vitin 2058.