Greqia u jep afat punëtorëve shëndetësorë që deri më 31 mars të vaksinohen

Kushdo që nuk e respekton këtë afat, sipas autoriteteve greke do të përjashtohet nga puna

Punonjësit e pavaksinuar mjekësorë duhet të marrin dozat e vaksinës antiCovid deri më 31 mars, në të kundërtën do të shkarkohen nga puna. Ky është vendimi i fundit i qeverisë greke, i paralajmëruar disa herë në kuadër të parandalimit të përhapjes së virusit.

E përditshmja greke Kathimerini shkruan se lajmi është konfirmuar nga ministri i Shëndetësisë, Thanos Plevris. Duke folur për Skai TV, Plevris u shpreh se duke filluar nga 7 shkurti punonjësve të shëndetësisë do t’iu kërkohet një dozë përforcuese për t’u vaksinuar plotësisht ndaj Covid-19.

Greqia ka lehtësuar të hënën masat kundër përhapjes së koronavirusit, duke lejuar muzikë në restorante dhe bare, duke zgjatur orarin e tyre të punës.

 

---