GSLP: Me 15 ministri, ekzekutivi do të ishte më efikas

Ramush Haradinaj (Facebook)

21 ministri ka në Qeverinë e Ramush Haradinajt, e kjo shpeshherë është kritikuar shkaku i të punësuarve të shumtë e që rëndojnë buxhetin e shtetit.

Grupi për Studime Juridike dhe Politike ka kritikuar numrin e madh të ministrive në Qeverinë Haradinaj.

Në një diskutim për këtë temë, u tha se një qeveri me 15 ministri do të bënte që ekzekutivi të jetë më efikas.

Ligji për Qeverinë u pa si i domosdoshëm, për të pamundësuar abuzimin që bëhet me numrin e ministrive, zëvendësministrave dhe këshilltarëve politikë, transmeton albinfo.ch.

Por, për profesorin Robert Muharremi, projektligji për Qeverinë mund të përfundojë në Gjykatë Kushtetuese. Ai tha se Kushtetuta nuk i jep Kuvendit kompetencë që me ligj ta rregullojë numrin e anëtarëve të Qeverisë.