Hekurudhat Federale Zvicerane (SBB) publikojnë orarin për vitin 2023

pixabay

Më 11 dhjetor Hekurudhat Federale Zvicerane (SBB) publikojnë orarin e tyre të vitit 2023, përcjell albinfo.ch.

Ashtu si çdo vit të dielën e dytë të dhjetorit, SBB do të publikojë orarin e ri më 11 dhjetor.

Ndër ndryshimet, SBB do të zgjerojë shërbimin ekzistues në rajonet turistike.

Për shembull, ndërsa aktualisht nuk është e mundur të udhëtosh nga Zvicra frëngjishtfolëse në Graubünden pa ndryshime, dy trena të drejtpërdrejtë do të lidhin rajonin me kryeqytetin e kantonit, Chur, në fundjavë.

Treni Verbier Express, i cili lidh Aeroportin e Gjenevës me Châble, si dhe treni VosAlpes Express, që lidh Friburgun me Châble, do të qarkullojë gjatë fundjavave dhe festave publike gjatë dimrit 2022/2023.

Sa u përket lidhjeve ndërkombëtare, trenat shtesë të natës nga Cyrihu do të shkojnë në Pragë përmes Leipzig dhe Dresden. Gjithashtu, një tren shtesë do të qarkullojë midis Cyrihut dhe Shtutgartit. Më shumë vende në trenat e natës për në Hamburg, Berlin, Vjenë dhe Graz do të shtohen gjithashtu.