Hipotekat tani janë dy herë më të shtrenjta në Zvicër se sa para një viti

pixabay

Pak lajm i keq për pronarët ose blerësit e mundshëm të pronave zvicerane: ata do të duhet të paguajnë më shumë se dyfishin e çmimeve të vitit 2022 për një hipotekë 10-vjeçare me normë fikse, raportoi të mërkurën platforma konsumatore Moneyland, përcjell albinfo.ch.

Aktualisht, norma mesatare e interesit është 2.54 për qind për hipotekat fikse pesëvjeçare dhe 2.76 për qind për kreditë 10-vjeçare. Për krahasim, në fillim të vitit 2022, këto norma ishin përkatësisht 1.01 për qind dhe 1.26 për qind.

Ky nuk është saktësisht një zhvillim befasues, pasi ekspertët e kishin parashikuar rritjen kur Banka Qendrore e Zvicrës (SNB) rriti ndjeshëm normën e saj bazë vitin e kaluar për të luftuar inflacionin, i cili, nga ana tjetër, bëri që edhe normat e hipotekave të rriteshin.

Tendenca rritëse mund të vazhdojë edhe në vitin 2023, pasi shefi i SNB-së, Thomas Jordan, tha të hënën se një rritje tjetër ka të ngjarë, duke rritur më tej normën aktuale të interesit – dhe për rrjedhojë, edhe hipotekat.