Hoti: Nuk do të lejohet grumbullimi i më shumë se 100 qytetarëve

Ishte paraparë që nga data 1 korrik të bëhet rinisja e organizimit të dasmave, hapja e lokaleve të natës e organizimi i shumë ahengjeve të tjera.

Por një gjë e tillë del të jetë e pamundur. Kryeministri i vendit, Avdullah Hoti, në një konferencë për media deklaroi se do të ndalojnë grumbullimin e qytetarëve prej më shumë se 100 personash.

“Do të ndalësojmë grumbullimin e qytetarëve, në hapësira të hapura e të mbyllura në më shumë se 100 persona në çdo situatë, duke rregulluar pak më mirë ceremonitë mortore”, tha Hoti.

Hoti deklaroi se para një jave, kur ishte shqyrtuar situata, plani ishte që më 1 korrik të lëvizet në atë drejtim, por se tani është ndryshe.

“Me gjendjen të cilën po përballemi, vështirë se mund të lëvizim në atë çështje”, shtoi Hoti.

---