Inflacioni pritet të bjerë në 1.5 për qind në Zvicër

Ekonomia e Zvicrës ngadalësohet.

Rritja ekonomike zvicerane pritet të jetë më e ngadaltë në vitin 2023, duke pasqyruar situatën globale. Megjithatë, falë konsumit të brendshëm solid, rreziku i një recesioni është shumë i ulët, sipas Credit Suisse Monitor, përcjell albinfo.ch.

Inflacioni pritet të bjerë në 1.5 për qind (nga 3 për qind aktuale), që është brenda kufijve të asaj që Banka Kombëtare e Zvicrës e përcakton si stabilitet çmimesh.

Konsumi do të jetë motori i kësaj rritjeje, ndërkohë që perspektiva për tregun e punës mbetet e favorshme, me normën e papunësisë në 2.2 për qind.

Pagat pritet të rriten mesatarisht me 2.3 për qind, në mënyrë që “të ardhurat e familjeve të rriten më fort se çmimet”, raportojnë ekonomistët e bankës.

Megjithatë, perspektiva është më e zbehtë për sektorin industrial. “Në veçanti industria mekanike, elektrike, metalike dhe kimike mund të presin kërkesë më të ulët nga jashtë si rezultat i recesionit në zonën e euros”.

 

---