Investimet amerikane në Shqipëri, potencial në rritje

Sot, ambasadorja e SHBA-së në Tiranë, Yuri Kim, përmes një postimi në “Twitter” vuri theksin te investimeve mes Shqipërisë dhe Shteteve të Bashkuara.

Ajo është shprehur se këto investime arrihen kur luftohet korrupsioni, ndërsa shtoi se është e domosdoshme që të kemi në vend gjykata të pastra në rast mosmarrëveshjesh.

Sipas saj, Shqipëria ka një potencial të jashtëzakonshëm ekonomik që duhet vlerësuar.

“Duke pritur për më shumë punë me Shqipërinë dhe autoritetet e Dhomës Amerikane të Tregtisë në Shqipëri për të rritur investimet amerikane në Shqipëri. Esenciale për të pasur rregulla të qarta që zbatohen për të gjithë, gjykata të pastra në rast mosmarrëveshjesh, të drejta, të besueshme pronësie, transparencë në prokurimin publik. Tetorin e kaluar ne vendosëm kuadrin për një bashkëpunim më të madh ekonomik mes SHBA-së dhe Shqipërisë. Investimet amerikane do të rriten, ndërsa korrupsioni & pengesat e tjera do të hiqen. Shqipëria ka një potencial të jashtëzakonshëm ekonomik që duhet vlerësuar dhe zhvilluar plotësisht”, shkruan Kim.