Marrëveshja për dokumente ndërmjet Kosovës dhe Serbisë, është mirëpritur nga deputeti i vetëm shqiptar në Kuvendin e Serbisë, Shaip Kamberi.
Ai ka thënë se marrëveshja është e mirëseardhur edhe për qytetarët e Luginës së Preshevës, raporton Albinfo.ch.
Në një postim në Facebook, Kamberi ka shkruar se me arritjen e kësaj marrëveshjeje me ndërmjetësimin e BE-së dhe përfshirjen direkte të SHBA-së, lëvizja e lirë, sidomos e qytetarëve të Kosovës, po merr kuptim.
“Marrëveshjet si këto janë të mirëseardhura edhe për qytetarët e Luginës së Preshevës”, ka thënë ai./Albinfo.ch/