Kancelari gjerman humb votëbesimin në Parlament, hapet rruga për zgjedhje

Kancelari i Gjermanisë, Olaf Scholz, ka humbur sot votëbesimin në Parlament, duke i hapur rrugën zgjedhjeve të parakohshme më 23 shkurt.

Prej 717 votave të numëruara, 207 i dhanë Scholzit besimin e tyre, 394 jo dhe 116 abstenuan, transmeton albinfo.ch.

Tani kancelari do t’i kërkojë presidentit gjerman, Frank-Walter Steinmeier ta shpërndajë Parlamentin dhe të shpallë zgjedhjet e reja.

Scholz kishte ftuar votimin dhe priste ta humbiste atë, duke llogaritur se shkaktimi i zgjedhjeve të parakohshme ishte shansi i tij më i mirë për ta ringjallur pasurinë politike të partisë së tij, raporton BBC.

Ndryshe, kjo vjen rreth dy muaj pas rënies së qeverisë së koalicionit tre-partiak të Scholz-it, e cila e la kancelarin të udhëheqë një administratë të pakicës.