Këtë muaj Austria dërgon kontingjentin e 50-të të ushtarëve në misionin e KFOR-it në Kosovë

By 7th Army Joint Multinational Training Command from Grafenwoehr, Germany - Austrian forces at Combined Resolve II, CC BY 2.0, https://commons.wikimedia.org/w/index.php?curid=32944946

Ministrja austriake e Mbrojtjes, Claudia Tanner, ka bërë të ditur se gjatë këtij muaji në misionin e KFOR-it do të dërgohet kontingjenti i 50-të i ushtarëve austriakë, në të cilin do të shërbejnë 190 ushtarë.

Komandanti i kontigjentit të ri do të jetë Bernhard Gruber, shkruan bundesheer.at.

“Austria është e përkushtuar të marrë pjesë në mënyrë aktive në tejkalimin e krizave dhe sigurimin e paqes përmes operacioneve ndërkombëtare të paqes në mënyrë që të përballet me sfidat e reja të shekullit të 21-të. Zgjidhja e problemeve aktuale të sigurisë kërkon bashkëpunim të ngushtë në nivel evropian dhe ndërkombëtar. Përveç kësaj, duke pasur parasysh përgjegjësinë parësore për mbrojtjen ushtarake kombëtare, pjesëmarrja në operacionet e paqes ndërkombëtare është prioritet i lartë për Ushtrinë Federale. Ushtarët austriakë gjithmonë e kanë dëshmuar veten si partnerë të besueshëm në Kosovë dhe jam e lumtur që ky kurs po vazhdon me rotacionin e kontingjentit të 50-të”, ka thënë Tanner, transmeton albinfo.at.

Ndryshe, Ushtria Federale Austriake është përfshirë në Kosovë që nga 2 korriku 1999.