Kosova, 1 vit pa humbje

Kosova në nëntë ndeshjet e fundit ka shtatë fitore dhe dy barazime në të gjitha garat

Kosova mundi Maltën në udhëtim me rezultat bindës 5:0, duke vazhduar kështu ecurinë e shkëlqyer pa humbje.

Kosova nuk di për humbje që nga 9 tetori i vitit 2017, dhe fitorja e fundit dëshmoi për formën e shkëlqyer që po e kalon, përcjell albinfo.ch.

Trajneri zviceran Bernard Challandes është një nga më të merituarit për këtë sukses.

‘Dardanët’ ndodhen në krye të tabelës me 11 pikë, dy më shumë se Azerbajxhani që do të takohet më 20 nëntor në stadiumin “Fadil Vokrri” në Prishtinë.

Me rast fitore ose barazimi, Kosova do të promovohej në Ligën C.

Në pesë ndeshje të zhvilluara në Ligën e Kombeve, Kosova ka shënuar 11 gola dhe ka pranuar vetëm dy.

Kosova në nëntë ndeshjet e fundit ka shtatë fitore dhe dy barazime në të gjitha garat, zyrtare dhe miqësore.

---