Kosovë: 1047 të shëruar dhe 1086 raste aktive me COVID-19

Photo by: Urim Xhemaili - Prishtina

Mbrëmë dolën rezultatet e 29 pacientëve që janë shëruar nga Covid-19 në Kosovë. Kështu bërë të ditur Instituti Kombëtar i Shëndetësisë Publike.

“Më 21 qershor 2020 janë shëruar 29 pacientë, derisa numri i përgjithshëm i të shëruarve është gjithsej 1047 raste”, thuhet në njoftimin e IKSHPK-së.

96 raste me COVID-19 janë konfirmuar dje në Kosovë. Sipas njoftimit nga IKSHPK-ja, këto rezultate kanë dalë pas testimit të 439 mostrave të marra nga Klinika Infektive dhe gjurmimi i rasteve në terren.

“Rastet pozitive janë nga: komuna e Gjilanit 20 raste, komuna e Prishtinës 19 raste, komuna e Prizrenit 19 raste, komuna e Mitrovicës 15 raste, komuna e Pejës 6 raste, komuna e Vitisë 6 raste, komuna e Vushtrrisë 3 raste, komuna e Drenasit 2 raste, dhe me nga 1 rast komunat: Fushë Kosovë, Kaçanik, Lipjan, Mamushë, Obiliq dhe Shtime”, thuhet në njoftim.

Sipas IKSHPK-së, nga data 08 shkurt deri më 21 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 21.517 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.169 raste, me gjithsej 36 raste të vdekjes, të cilët kanë pasur sëmundje të tjera shoqëruese.