Kosovë: Grabitja në Suharekë dyshohet se u bë nga një grup i strukturuar kriminal

Grabitja e armatosur mbrëmë në komunën e Suharekës në Kosovë po dyshohet se u bë nga një grup i strukturuar kriminal.

Prokurorja Ervehe Gashi nga Prokuroria Themelore në Prizren tha se nëse konfirmohet një lidhje e tillë, çështja do të transferohet tek Prokuroria Speciale e Kosovës.

“Sa i përket “unazës së çeliktë” nuk kemi marrë informacione se për kohën kur është vendosur unaza e çeliktë. Në raportin zyrtarë se kur është vendosur unaza e çeliktë, prandaj nuk mund të them nëse është vendosur në kohë apo jashtë kohës. Në momentin kur unë së bashku me hetuesit e çështjes jemi të bindur se ekziston një lidhshmëri mes këtyre rasteve atëherë kemi të bëjmë më një grup të strukturuar mirë dhe me një krim të organizuar dhe ajo nuk është objekt i hetimit i Prokurorisë Themelore në Prizren atëherë lënda edhe çështja do t’i kalohet Prokurorisë Speciale të Kosovës”, ka deklaruar ajo.

Gjatë kësaj plaçkitje, një polic ka mbetur i plagosur në këmbë si pasojë e të shtënave me armë zjarri.