Kosovë: Ja sa qytetarë u vaksinuan me dozën e tretë

Deri më tani në Kosovë janë dhënë 1 milion e 722 mijë e 865 doza të vaksinës antiCOVID. Sipas të dhënave të Ministrisë së Shëndetësisë, janë 797 mijë e 229 qytetarë, të cilët janë vaksinuar me dozën e dytë të vaksinës antiCOVID-19.

Tash e një kohë ka filluar edhe dhënia e dozës përforcues dhe dozës së tretë. Deri tani janë dhënë 36 mijë e 925 doza përforcuese, kurse dozën e tretë të vaksinës antiCOVID-19 e kanë marrë 2 mijë e 182 qytetarë.

Në raportin e fundit IKSHPK njoftoi për një rast të vdekjes dhe 720 raste të reja me COVID-19.

Aktualisht në vend janë 5 mijë e 678 raste aktive me koronavirus.

Të drejtë vaksinimi kanë të gjithë personat mbi 12 vjeç. Ndërkaq, dozën përforcuese dhe atë të tretë mund të marrin të gjithë personat mbi 18 vjeç, që janë imunizuar me dy doza para tre muajsh.