Dalin masat e reja, kthehet ora policore dhe mbyllen lokalet gjatë natës.

Kryeministri i Kosovës, Avdullah Hoti, ka prezantuar sot masat e reja administrative me qëllim të parandalimit të përhapjes së mëtejme të COVID-19.
Ai ka thënë se qysh në mbledhjen e qeverisë që do të mbahet sonte do të vendoset që në qytetet ku ka numër të madh të personave të infektuar do të kufizohet lëvizja nga ora 21:00 deri në orën 5 të mëngjesit.

“Në qytetet ku ka numër te madh do të kufizohet plotësisht lëvizja. Nga sonte në Prishtinë, Prizren, Ferizaj, Vushtrri. Do te kufizojmë plotësisht lëvizjen nga ora 21 deri në orën 5 në mëngjes. Do të përcjellim pastaj lëvizjet e numrave me infektime”, ka thënë Hoti sot gjatë një konferencë për shtyp.

Ai ka thënë se gjithashtu do të reduktohen punëtorët e institucioneve dhe do të punohet vetëm me staf esencial. Sipas rregullores, Hoti ka thënë se do të përcaktohet se çfarë do të nënkuptohet me staf esencial.

“Mbyllen të gjitha lokalet e gastronomisë nga ora 21 deri në orën 5 të mëngjesit. Jashtë kufizimit lejohet puna vetëm në hapësira të hapura dhe shërbimin ‘merre me vete’. Numri i njerëzve përgjysmohet nëpër autobusë”, ka thënë Hoti.

https://www.facebook.com/avdullah.hoti/posts/3427215567339773?__xts__[0]=68.ARDKI7vTlR84ADnLF9pitYAq2DKSeQO8-c2dTIrd6Ika9jMamrPqbcNRiciqnerJRGc4Adq6MC2i2OXVk2Wnd1rApa4NXKS39nuCokVOeSAexLdGhbQfQc7XQ6JSLAdFmFR8PIj5-gICDZ9BUYVAqB-1iO8uhmqE7Ht8LMgzibsbv4PMHSwtPCvR4sAvNWUVKLarGzlahu9lMeBXI6CNzdW8Q9TaP-lvAySVP0h-KRkBnYSRfiX0nupDvHIEBBXkvXPF7cpFNooIdCKJVU1l9YVfs2oAgfI2_NDP3eC1gXI0v8h0J0CI8w7V0ujBaldmMrIZC_ltfz3huKHkr3ofAg&__tn__=-R