Kosti Deti mahnit me performancën e tij në Ambasadën Italiane në Vjenë

Një mbrëmje e veçantë muzike me Kosti Detin në Vjenë

Pianisti me famë ndërkombëtare, Kosti Deti, i cili ka fituar njohje në skenat e mëdha të muzikës klasike në Austri dhe më gjerë, rikthehet sërish në qendër të vëmendjes me një performancë të paharrueshme, shkruan albinfo.at.

Së fundmi, Deti interpretoi në Ambasadën Italiane në Vjenë, duke lënë një përshtypje të thellë te mysafirët e pranishëm. Repertori i tij përfshinte një përzgjedhje të kujdesshme të veprave klasike, ku teknika brilante dhe ndjenja e thellë artistike bashkëpunuan për të krijuar një atmosferë magjike.

Mysafirët, të përbërë nga diplomatë, artistë dhe personalitete të ndryshme të kulturës, shprehën vlerësimin e tyre për nivelin e lartë të performancës dhe për emocionin që pianisti arriti të transmetonte./Albinfo.ch

Fotot Ugur Karakan

---