Kostoja e jetesës në Zvicër është e lartë në të gjitha fushat

Se kostoja e jetesës në Zvicër është jashtëzakonisht e lartë, në shumë fusha të jetës, nuk është një befasi edhe për të huajt, transmeton albinfo.ch.

Përveç çokollatës, djathit dhe bankave plot me para të njerëzve, Zvicra është një nga shtetet më të shtrenjta për të jetuar.

Vendi është veçanërisht i kushtueshëm kur bëhet fjalë për ushqim, pije, hotele, strehim, restorante, veshje dhe sigurime shëndetësore – ose pothuajse gjithçka që ju nevojitet.

Ndërsa Zvicra është e shtrenjtë për banorët e saj, për njerëzit që vijnë nga jashtë, kostot e larta janë në të gjitha dimensionet, si nga çmimet e hoteleve, ushqimi etj.

Studime të ndryshme kanë treguar herë pas here se konsumatorët zviceranë paguajnë shumë më shumë për mallrat dhe shërbimet themelore sesa homologët e tyre evropianë, me përjashtim të Norvegjisë dhe Islandës.

Për shembull, një studim i tillë zbuloi se njerëzit në Zvicër duhet të paguajnë 168 franga për një shportë të mallrave të konsumit që kushton mesatarisht 100 euro në BE (shtetet e tjera).

Janë dhënë shumë arsye për të shpjeguar këtë fenomen. Sidoqoftë, disa prej tyre bazohen në besime popullore sesa në fakte ekonomike.

Një shpjegim i tillë që po bën xhiro në Zvicër është se çmimet në supermarketet zvicerane janë të larta, sepse të punësuarit në supermarketet zvicerane paguhen më shumë sesa homologët e tyre evropianë.

Pra, a është kjo arsyeja e vërtetë për koston e lartë të mallrave të konsumit në Zvicër.

Një studim nga Universiteti i Shkencave të Zbatuara të Zvicrës Veriperëndimore tregon se prodhuesit dhe furnizuesit e huaj imponojnë rritje të mëdha çmimesh në Zvicër, duke shfrytëzuar pagat e larta dhe fuqinë blerëse të konsumatorëve.

Kjo do të thotë që blerësit zviceranë po paguajnë më shumë për blerjet e tyre, rreth tre miliardë franga, zbuloi studimi.

Kjo është arsyeja pse kaq shumë njerëz që jetojnë në rajone kufitare shkojnë për të bërë pazare në Francë, Itali dhe Gjermani, ku të njëjtat artikuj janë dukshëm më të lirë.

Ndërsa pagat zvicerane janë me të vërtetë më të larta se pothuajse kudo tjetër në Evropë. /Albinfo.ch

 

 

---