Kryeprokurorja Arta Marku, i nënshtrohet Vettingut

Kryeprokurorja e Shqipërisë, Arta Marku, i është nënshtruar procesit të Vettingut në seancën dëgjimore që mbajti para Komisionit të Pavarur të Kualifikimit.

Ky komision pas përfundimit të saj tha se Marku nuk ka konflikt interesi dhe fshehje të pasurisë, por se vendimi do të jepet nesër, përcjell albinfo.ch.

Në seanca kryeprokurorja është përfaqësuar nga avokati i saj, ndërsa u konstatua se ajo nuk ka paraqitur deklarim të rremë për pasurinë e saj që jep shenja të qarta se ajo do ta kalojë këtë proces.

Ky proces ka ngjallur interesimin edhe të mediave të huaja. Arta Marku në 10 vjetët e fundit ka zhvilluar veprimtarinë në Prokurorinë e Shkodrës.