Kryeprokurorja Marku kalon me sukses Vettingun

Sipas KPK-së, Arta Marku rezultoi e pastër në tre shtyllat e Vettingut.

Komisioni i Pavarur i Kualifikimit e ka konfirmuar Arta Markun në detyrën e Prokurores së Përkohshme të Përgjithshme. Sipas KPK-së, Arta Marku rezultoi e pastër në tre shtyllat e Vettingut. Edhe në dhënien e vendimit, Marku nuk ishte e pranishme në sallë por u përfaqësua nga avokatja e saj. Mungesa e saj zhgënjeu jo vetëm trupën e Vettingut, por edhe përfaqësuesin e ONM-së, Teo Jacobs. Ai e komentoi këtë situatë si mungesë lidershipi nga ana e Markut, pasi, sipas tij, lidershpi përbëhet jo vetëm nga autoriteti, por edhe nga llogaridhënia.

Dy nga shtyllat e Vetting-ut, pasuria dhe figura dolën të pastra për Prokuroren e Përgjithshme. Nga kontrollet, Arta Marku rezulton zotëruese, me gjithë bashkëshortin, e dy apartamenteve, ka edhe një shtesë prej 9 metrash nën legalizim