Kurti dhe Rama, pjesë e darkës me krerët e shteteve pjesëmarrëse në Forumin e Paqes në Paris

Raportohet se kryeministri i Kosovës, Albin Kurti, ka udhëtuar mbrëmë për në Francë, për të marrë pjesë në Forumin e Paqes që organizohet në kryeqytetin francez, Paris, përcjell albinfo.ch.

Me ftesë të presidentit të këtij shteti, Emmanuel Macron, i cili do ta bëjë edhe hapjen e forumit, të enjten në mbrëmje Kurti do të jetë pjesë e darkës me krerët e shteteve dhe qeverive pjesëmarrëse në këtë Forum.

Të shtunën, më 11 nëntor, duke filluar nga ora 10:00, në kuadër të ditës së dytë të Forumit të Paqes, Kurti do të marrë pjesë në panelin e diskutimit me temën “Krijimi i paqes dhe ndërtimi i një bote më të sigurt”, ndërkohë që gjatë qëndrimit atje do të zhvillojë disa takime.

Po ashtu edhe kryeministri i Shqipërisë, Edi Rama, ka udhëtuar për në Francë, ku do të takohet me shumë personalitete të ndryshme të botës.