Kurti me ministra i prijtën Paradës së Krenarisë në Kosovë

Pasditen e së shtunës, kryeqyteti i Kosovës, Prishtina, ishte nikoqir i Paradës së Krenarisë organizuar nga komuniteti LGBTQI+.

Me moton ‘Kemi qenë dhe do t’jemi’, pjesëtarë të këtij komuniteti të mbështetur edhe nga liderë institicionesh e aktivistë të shoqërisë civile marshuan në sheshin e Prishtinës. Në ballë të kësaj parade, në shenjë solidarizimi me këtë komunitet doli edhe kryeministri i Kosovës Albin Kurti i shoqëruar nga ministra të kabinetit qeveritar, ransmeton albinfo.ch.

“Republika jonë është demokratike. Nuk e përjashton asnjërin dhe garanton barazi për të gjithë dhe secilën e secilin. E është pikërisht barazia që na e mundëson bashkimin, pamundëson përjashtimin dhe sjell gjithëpërfshirjen”, tha Kurti.

Slogani “Kemi qenë dhe do t’jemi”, sipas Kurtit jep mesazhe të dashurisë, të të drejtave, pa paragjykime. Parada e krenarisë afirmon diversitetin dhe kundërshton stigmatizimin.