Kurti pas kthimit në punë të Bllokut B2: Për çdo orë do t’i paguajmë rreth 50 mijë euro import më pak

Pas lajmit për lëshimin në prodhim të Bllokut B2 të termocentralit ‘Kosova B’, kryeministri i Kosovës, Albin Kurti, përmes një postimi në Facebook ka shkruar se për çdo orë Kosova do t’i paguajë rreth 50 mijë euro import më pak, e deri nesër në mëngjes rreth 1,2 milion euro më pak se gjatë ditëve të javës së kaluar, transmeton Albinfo.ch.

“Me fjalë të tjera, për çdo orë do t’i paguajmë rreth 50 mijë euro import më pak, e deri nesër në mëngjes rreth 1,2 milion euro më pak se gjatë ditëve të javës që po lëmë pas. Ky është lajm shumë i mirë për të gjithë ne. Eh, sikur ta kishim tash TC ‘Kosova A’ të rindërtuar nga Bilfingeri gjerman dhe blloqet B3 dhe B4 me nga 300 MW fuqi secila”, ka shkruar Kurti.