Kurti: Tash e tutje, pa pengesa drejt Serbisë

Kryeministri i Kosovës, Albin Kurti, tha se tash e tutje qytetarët e Kosovës do të kalojnë në Serbi pa pengesa, duke iu referuar marrëveshjes së arritur.

“Qytetarët e Republikës së Kosovës, me dokumente identifikimi (ID) të lëshuara nga shteti ynë, do të mund të kalojnë pa pengesa, ngarkesa e vonesa kufirin me Serbinë në të gjitha vendkalimet kufitare”, shkroi Kurti.

“Njësoj do të vlejë edhe për kahjen e kundërt me rastin e hyrjes në Kosovë me dokumente identifikimi (ID) të lëshuara nga autoritetet e Serbisë”, tha ai, transmeton Albinfo.ch.

“Fryma e bisedimeve parimore e të barabarta në Bruksel është reciprociteti. Zgjidhjet normalizuese duhet ta kenë reciprocitetin përbrenda, teksa marrëdhëniet e mira fqinjësore e nënkuptojnë atë”.