Lajçaku ligjëroi në Itali për dialogun Kosovë-Serbi

Mësohet se ish-emisari i Bashkimit Evropian për dialogun Kosovë-Serbi, Miroslav Lajçak, ka njoftuar në X të enjten se ka ligjëruar për këtë çështje në Firencë të Italisë, përcjell albinfo.ch.

Këtë vit përfundoi mandati i Lajçakut si emisar, pas gati pesë vjetësh në krye të dialogut. Vetë Lajçaku, në përshëndetjen nga detyra, pati theksuar Marrëveshjen e Ohrit si një prej të arriturave gjatë udhëheqjes së tij. Megjithatë, kjo marrëveshje ende nuk ka gjetur zbatim.

Lajçaku pati udhëhequr dialogun prej prillit të 2020-s me mandat fillimisht njëvjeçar, i cili u vazhdua disa herë.

Në vendin e tij tani emisar është danezi Peter Sorensen.