Lakuriqi i mumifikuar, në qesen me Cornflakes

Një lakuriq nate “ka humbur rrugën” në një qesen e mbyllur me cornflakes (ushqim me bazë drithrash) dhe ka befasuar “këndshëm” një qytetar të Stutgartit. Lakuriqi është gjetur i mumifikuar në qesen plastike të corn-flakes-ve të tipit “Mini-Zimties”.

Kontrollimi i bërë nga Instituti kimik dhe ai veterinar i Shtutgartit ka ardhur në përfundim se lakuriqi, në një natë vere ka rënë në qesen e hapur të cornflakesve dhe kjo i është shndërruar në kurthin që i ka sjellë vdekjen. Ai ka mbetur i mbyllur në qese, në të cilën edhe për një kohë ka vazhduar të jetojë. Se ai nuk ka ngordhur menjëherë, e dëshmojnë pjesët e jashtëqitjes së tij të gjetura në qese.

Ky rast ka qenë befasi e madhe edhe për ekspertët. “Diçka e tillë nuk më ka ndodhur kurrë më parë. Është diçka vërtet e rrallë”, ka thënë Jörg Stürmer, veterinar në Shtutgard.