Luis Enrique tregon çka pret në ndeshje me Kosovën

Spanja dhe Kosova do të përballen sonte, në një nga sfidat më të vështira për Dardanët

Luis Enrique ka lavdëruar Kosovën para sfidës që zhvillohet nga ora 20:45 në Sevilla.

“Ata janë një ekip ndryshe sepse ata nuk kanë frikë dhe luajnë më përpara. Trajneri i Kosovës ka lojtarë të mirë dhe pres një kundërshtarë të vështirë”, është shprehur Enrique.

“Kosova është një ekip ndryshe prej Gjeorgjisë dhe Greqisë. Ata shtyejnë fortë përpara, janë të guximshëm dhe marrin rreziqe përsipër.

Për momentin kam 24 lojtarë në dhomat e zhveshjes dhe të gjithë mund të luajnë. Preferoj më shumë këtë sesa të kem vetëm 11 lojtarë dhe të kualifikohemi tutje pa vetbesim”, theksoi Enrique.

Spanja barazoi me Greqinë dhe fitoi ndaj Gjeorgjisë, derisa Kosova ka pësuar humbje nga Suedia.

Mediat spanjolle në disa raste nuk kanë përmendur fare emrin e Kosovës, kurse ishte përmendur në fillim opsioni që Kosova të paraqitet pa himn dhe flamur, megjithatë, kjo nuk pritet të ndodhë.

---