“Mafia shqiptare”, kush po shpërndan propagandë në mediat ndërkombëtare?

Artikuj që e paraqesin mafien shqiptare si ndër më të rrezikshmet në Europë apo në botë shfaqen shpesh në media të ndryshme ndërkombëtare.

Madje pak kohë më parë një funksionar i lartë i Europol i klasifikoi mafiozët shqiptarë mbi ata rusë.

Është vërtet kështu apo dikujt i intereson të krijojë një imazh të rremë për qëllime që nuk kanë të bëjnë realisht me kriminalitetin dhe studimin e tij?

The Economist në një artikull me titullin titullin “Piranja nga Tirana” shkruan se mafia shqiptare është një situatë e fryrë e pabazuar në fakte reale, shkruan AlsatM, përcjell Albinfo.ch.

“Ata nuk i përkasin një organizate të strukturuar me zakone dhe rituale të ngjashme me Cosa Nostra në Siçili apo Yakuza në Japoni. Shohim që shumë grupe të tyre punojnë të pavarura nga njëra tjetra” – thotë ndër të tjera një studiuese e kriminalitetit shqiptar e cituar në artikull.