Majko, sërish lutje diasporës shqiptare të Maqedonisë: Regjistrohuni!

Ish-kryeministri i Shqipërisë, Pandeli Majko, i ka bërë sërish thirrje diasporës shqiptare të Maqedonisë së Veriut që t’i përgjigjen procesit të regjistrimit.

“Shqiptarët janë një popull i refuzuar, një popull të cilit i janë refuzuar të drejtat. Shqiptarëve u është refuzuar edhe numërimi”, ka thënë mes tjerash Majko.

Më tutje, sipas tij, numërimi për shqiptarët nuk është një proces burokratik, por proces, i cili ka të bëjë me të drejtat në shtetin e tretë, i cili ka më shumë shqiptarë në trojet e veta.

“Kam vetëm një lutje, ju lutem, ju lutem, të numëruarit si shqiptar sot nuk është një proces burokratik, por një akt i madh patriotik”, theksoi Majko.