Mbretit Huan Karlos “i lindin” edhe dy fëmijë

Një grua belge dhe një burrë spanjoll, të dy mbi 50 vjeç, pretendojnëtë jenë fëmijë jashtëmartesorë të mbretit 74 vjeçar

Pas telasheve me gjahun e elefantëve dhe me thashethemet rreth lidhjeve të tij intime me një princeshë gjermane, mbretin e Spanjës, Huan Karlos e pret edhe një kokëçarje e radhës.

Një grua belge dhe një burrë spanjoll, të dy mbi 50 vjeç, pretendojnëtë jenë fëmijë jashtëmartesorë të mbretit 74 vjeçar. Ata dy kanë nisur kundër mbretit spanjoll një procedurë për verifikimin e atësisë. Në rast se atësia do të dëshmohet, skandali do të ishte i sigurt.

Pozitën e mbretit do ta rëndonte me atë rast sidomos spanjolli. Nëse do të konstatohej me adn se është i biri biologjik i mbretit, atij do t`i takonte edhe froni mbretëror në të ardhmen. Kjo për faktin se trashëgimtari i tashëm legjitim, princi Felipe është më i ri në moshë se personi që pretendon atësinë e mbretit.