Në Gjenevë do të krijohet një fond ushqimi dhe solidariteti

@pixabay

Po sikur të merrnim 150 franga çdo muaj për të blerë ushqim të shëndetshëm dhe lokal? Kjo është ideja e Fondit Ushqimor të Gjenevës, i cili propozon një sistem unik dhe shpërndarës kontributesh mbi bazë vullnetare.

Gjatë valës së parë të koronavirusit, radhet e gjata jashtë qendrave të shpërndarjes së ndihmave ushqimore lanë një mbresë të thellë. Tre vite më vonë, populli i Gjenevës votoi për të përfshirë të drejtën për ushqim në Kushtetutën e kantonit, duke garantuar akses për të gjithë në “ushqim të përshtatshëm” dhe “liri nga uria”, duke frymëzuar kështu pjesën tjetër të Zvicrës dhe Evropës.

Ndërkohë që një ligj për zbatimin e kësaj të drejtëje është në proces hartimi, një projekt konkret është tashmë në zhvillim në këtë kanton. Gjashtë organizata, përfshirë Lëvizjen për Bujqësi Fshatare dhe Qytetare, Rrjetin Ushqimor të Vergers dhe shoqatën FIAN Suisse, prezantuan më 27 prill në tregun Grottes nismën e tyre të re e të paprecedentë: Fondin Ushqimor të Gjenevës (CALIM), transmeton albinfo.ch.

Ky fond synon të promovojë konsumimin e produkteve të freskëta, lokale dhe të qëndrueshme përmes një mekanizmi që ndihmon edhe ata që nuk kanë mundësi financiare të aksesojnë ushqim cilësor.