Në Stokholm u përkujtuan viktimat e luftës në Kosovë

Në 24-vjetorin e Masakrës së Reqakut, nën organizimin e shoqatës kulturore “Teuta”, me pjesëmarrje edhe të Ambasadës së Kosovës, dje në Stokholm bashkatdhetarët tanë bënë homazhe dhe ndezën qirinj për viktimat e luftës së fundit në Kosovë.

Me një fjalë rasti të pranishmëve iu drejtuan diplomati Dren Zeka, sekretarja e shoqatës Teuta, Elsa Alliu dhe aktivistët e mërgatës, Shkipe Bunjaku, Kamer Elezaj dhe Zylfije Gërvalla.

Ata përkujtuan dëshmorët e kombit, maskrat makabre dhe përçuan mesazhin se e kaluara nuk duhet të harrohet, kurse gjaku i dëshmorëve duhet të shërbejë si udhërrëfyes i ndërtimit të shtetit dhe së ardhmes të bazuar në paqe dhe vlera demokratike.