Zvicër: Protestuesit kërkojnë veprim për ndryshimin e klimës

Mijëra protestues në mbarë botën manifestuan kundër katastrofës klimatike. Edhe në shteti e Zvicrës, në disa qytete pati protesta për këtë dukuri. Në Lozanë, 200 aktivistë klimatikë nga grupi Extinction Rébellion bllokuan urën e Bessières në qendër të qytetit.

Rreth 2.000 njerëz morën pjesë në demonstratat klimatike në qytetet zvicerane të Bazelit, St Gallenit dhe Lozanëve të premten, pasi mijëra protestues të tjerë nga Afrika në Azi u bashkuan në marshime, duke bërë thirrje për veprim mbi ndryshimin e klimës, shkruan gazeta zvicerane “Swissinfo.ch”.

Gjithashtu mbi 1.000 njerëz dolën në rrugët e Bazelit në Zvicrën veriperëndimore, përfshirë shumë të rinj, nërsa St Gallen, në verilindje të vendit, rreth 500 njerëz, përfshirë shumë fëmijë shkollorë, marshuan në rrugët e qytetit, duke kritikuar mungesën e veprimeve nga politikanët zviceranë, bankat dhe bizneset e mëdha.

Po ashtu në Lozanë, 200 aktivistë klimatikë nga Extinction Rébellion u ulën duke bllokuar urën Bessières në qendër të qytetit. Ata i kërkuan Këshillit Federale që të “tregojë të vërtetën” për situatën kritike të klimës. Policia largoi protestuesit dhe rihapi urën në mbrëmje, përcjell albinfo.ch.

 

---