Nënshkruhet marrëveshja për aeroportin e ri ndërkombëtar të Vlorës

Qeveria shqiptare hodhi hapin e radhës për të bërë realitet ndërtimin e aeroportit të tretë, atë të Vlorës.

Konsorciumi, i përbërë nga kompania Mabetex Group e biznesmenit Behgjet Pacolli dhe kompania turke, Yda Group, do të ndërtojnë këtë aeroport përmes një investimi 104 milionë euro, shkruajnë mediat shqiptare, përcjell albinfo.ch.

“Ambicia jonë, për t’i dhënë një hov të ri turizmit nuk ndalet me këtë projekt”, tha kryeministri shqiptar Edi Rama. “Hapim garën për aeroportin e Sarandës, 99 milionë euro investime, zgjerojmë aeroportin e Rinasit, aeroporte sportive në Korçë e Gjirokastër”.

Këto investime, theksoi kryeministri, do të gjenerojnë shumë vende pune. “Kemi gati projektin e ndërtimit të akademisë së aviacionit në Vlorë”.