Nis ceremonia në Romë, Rama pritet nga Meloni

Kryeministri Edi Rama është pritur në një ceremoni zyrtare nga homologia italiane Giorgia Meloni në kuadër të mbledhjes së qeverive të Shqipërisë dhe Italisë ditën e sotme, përcjell albinfo.ch. 

Ceremonia ku u luajtën himnet e Shqipërisë dhe Italisë, do të pasohet nga një takim kokë më kokë mes dy krerëve të qeverive.

Kryeministri i Shqipërisë Edi Rama përmes një postimi në “Facebook” ka rikujtuar se këtë të enjte se dy qeveritë, ajo shqiptare dhe italiane do të zhvillojnë një mbledhje të përbashkët në Romë. Rama shkruan se kjo mbledhje do të zhvillohet për të nënshkruar 16 marrëveshje të reja bashkëpunimi në kuadër të partneritetit të ngushtë strategjik me Italinë.