Nis edicioni i tretë i Festivalit të Këngës në RTK

Edicioni i tretë i Festivalit të Këngës në Radio Televizionin e Kosovës (RTK) ka nisur me këngën e kompozitorit Musa Piperku, të titulluar “Këngë Moj”.

Interpretimi i parë i këngës u realizua nga kori i njohur Siparantum, i cili u shqua me performancë fantastike dhe energji të veçantë, duke dhënë një hapje të paharrueshme për festivalin këtë vit.

Ky vit shënon pjesëmarrjen me gjithsej 20 garues që do të prezantojnë këngë nga zhanre të ndryshme muzikore. Organizatorët kanë theksuar se festivali synon të promovojë talentet e reja dhe krijimet origjinale, duke u ofruar artistëve një platformë të rëndësishme për të shpalosur kreativitetin e tyre.

Festival i Këngës në RTK është bërë një prej ngjarjeve më të pritshme muzikore në vend, duke tërhequr vëmendjen e publikut dhe mediave. Edicioni i tretë premton emocione, performanca të jashtëzakonshme dhe surpriza për të gjithë adhuruesit e muzikës.