Nis shpërndarja e materialeve zgjedhore në Shqipëri

3 ditë para zgjedhjeve në Republikën e Shqipërisë

Ka nisur sot shpërndarja e materialeve zgjedhore për zgjedhjet e 25 prillit në Shqipëri, transmeton albinfo.ch.

Thuhet se shpërndarja e materialeve zgjedhore ka nisur në KZAZ e 12 qarqeve, ndërsa shpërndarja në qendrat e votimit nis një ditë para zgjedhjeve, një proces që do të mbikëqyret nga pilicia.

Vlen të theksohet se fletët e votimit janë prodhuar nga kompania sllovene, ku ka edhe fletëvotimi të veçanta për persona me aftësi të veçantë.

Materialet zgjedhore ngarkohen në kamionët e ushtrisë.

Zëdhënësja e KQZ-së, Drilona Hoxhaj, ka informuar për mediat se tashmë procesi zgjedhor ka marrë hovin përfundimtar dhe është gati për ditën e diel.

“Shumica e fazave të përgatitjes janë përmbyllur dhe siguron se janë marrë të gjitha masat që gjithçka të shkojë sipas parashikimeve”, tha ajo.

Po ashtu, ajo tregon se për 8 qarqe shpërndarja e materialeve po ndodh sot, kurse nesër vijohet për 4 qarqet Tiranë, Durrës, Elbasan dhe Lezhë.

“Por me mbërritjen e fletëve ky proces mori dhe hovin përfundimtar. E para ka qenë dhomat e fshehtësisë për personat, po ashtu dhe materialet anti-Covid, KQZ, KZAZ, dhe posterat informues si duhet të sillemi.

Fazaa e dytë kanë qenë kamerat, vëzhguesit, u shparndanë në çdo KZAZ. Tani është dhe baza materiale zgjedhore, kutitë e votimit për pjesën më të madhe të qarqeve, Korça, Vlora, Dibra, Gjirokastra, Fieri, Berati.

Ndërkohë, nesër shpërndahet dhe për qarqet e tjera Tiranë, Durrës, Elbasan dhe Lezhë.

Janë marrë të gjitha masat që të kryhet në kohë rekord, dhe çdo gjë të shkojë sipas parashikimeve të Kodit Zgjedhor”, tha zëdhënësja e KQZ-së, Drilona Hoxha.

Kujtojmë që në vend janë mbi 5100 qendra votimi.

---