Nisen ndihma nga Kosova drejt Turqisë

Ndihmat e dërguara nga Kosova drejt Turqisë nuk kanë mbetur vetëm në kuadër të ekipeve të kërkim-shpëtimit që janē dërguar atje bashkë me FSK-në.

Së fundmi një kontigjent i ndohmave materiale është nisur nga Kosova drejt Turqisë, përcjell albinfo.ch.

Lajmin e ka bërë të ditur ambasada e Turqisë në Kosovë. Sipas tyre, në bashkëpunim me Konsullatën e Përgjithshme në Prizren, institucionet e Kosovës dhe bashkatdhetarët, po dërgohen ndihma për poullin e prekur nga tërmeti.

“Ambasada jonë së bashku me Konsullatën e Përgjithshme në Prizren, institucionet e Kosovës dhe bashkatdhetarët tanë po dërgon në Turqi me THY dhe maune: 3,161 batanije, 30 gjeneratorë, 28 ngrohës. 666 pako pelena, 31 jorganë, 2 krevate, 27 jastëkë, 51 kuti (416 kg) rroba dimërore”, bëhet e ditur në njoftimin e Ambasadës Turke në Prishtinë.