Niveli i çmimeve në Zvicër, dy herë më i lartë se mesatarja e BE-së

(KEYSTONE/Peter Klaunzer)

Në vitin 2021 çmimet e konsumit në Zvicër ishin 54 për qind më të larta se në 27 vendet e Bashkimit Evropian, sipas një analize të re të barazisë së fuqisë blerëse të publikuar të enjten nga Zyra Federale e Statistikave, përcjell albinfo.ch.

Shifrat më të larta janë ato për shërbimet spitalore, ku çmimet ishin mbi tri herë më të larta se mesatarja evropiane, por edhe për mishin (rreth 2.5 herë më të larta). Nga ana tjetër, pajisjet audiovizive, fotografike dhe kompjuterike ishin 5 për qind më të lira në Zvicër, zbuloi studimi.

Në krahasim ndërkombëtar, vetëm Islanda, vendet skandinave dhe Luksemburgu iu afruan nivelit të çmimeve të Zvicrës.

Megjithatë, është e rëndësishme të theksohet se anketa u zhvillua përpara se normat e inflacionit në gjithë Evropën të rriteshin, duke ndryshuar dinamikën aktuale të çmimeve në favor të Zvicrës.