Numri i grave që punojnë në administratë në Zvicër është i ulët

Freepik

Administrata federale nuk ka mjaftueshëm gra në krahasim me objektivat e përcaktuara për legjislaturën 2020-2023. Kjo mungesë është veçanërisht e dukshme në fushën e mbrojtjes, sipas raportit mbi menaxhimin e personelit të miratuar të premten nga Këshilli Federal.

Konstatohet se objektivi nuk është arritur. Janë vetëm 44.9% e grave që punojnë në administratën federale, ndërkohë që synimi ishte arritja e një norme midis 46% dhe 50% në të gjitha fushat së bashku. Prandaj mbeten për t’u bërë përpjekje për të përmirësuar përqindjen e grave në administratën federale edhe pse shifrat janë rritur viteve të fundit.

Objektivat janë arritur, me përjashtim të Departamentit Federal të Mbrojtjes (DDPS) i cili ende nuk ka mjaftueshëm gra (37.8%) në krahasim me diapazonin e synuar. Barazia është arritur dhe madje është tejkaluar në Departamentet Federale të Punëve të Jashtme (FDFA) dhe të Brendshme (DFI).

Në fushën e mbrojtjes, përqindja e femrave arrin në 14%, ndërsa objektivi ishte 16% deri në 18%. Megjithatë, objektivi u arrit në Trupat e Rojës Kufitare. Nga ana e tij, Departamenti Federal i Mbrojtjes është departamenti me më pak gra (37.8%).

Numri i grave menaxhere u rrit ndërmjet viteve 2020 dhe 2023. Përqindja e tyre u rrit me 1,2 pikë përqindjeje. Për sa i përket pagës, objektivi është arritur, me një përqindje prej 37.2% femra në klasat me paga më të larta (24 deri në 29). I njëjti vëzhgim për pagat mbi klasën 30 (rreth 800 drejtues të lartë): përqindja rritet në 27.2%./RTS