OBSH: Mbi 80 milionë të infektuar me Omicron, që nga identifikimi i rastit të parë

Sipas Organizatës Botërore të Shëndetësisë, që nga shfaqja e variantit Omicron janë regjistruar mbi 80 milionë të infektuar në gjithë botën. Sipas kreut të OBSH-së, Tedros Adhanom Ghebreyesus, pavarësisht se Omicroni është më i lehtë se variantet e tjera, duhet të tregohemi të kujdesshëm.Megjithatë, ai tha se ekzistonte mundësia që virusi të bëhet endemik nëse strategjitë dhe mjetet si testimi dhe vaksinat do të përdoren në mënyrë efektive.

Tedros tha se që kur u identifikua rasti i parë me Omicron, më shumë se nëntë javë më parë, janë raportuar mbi 80 milionë të infektuar, më shumë se të infektuarit në gjithë 2020.

“Kushtet janë ideale që të shfaqen më shumë variante”, përfundoi ai.