Osmani premton se do të sigurohen vaksinat anti-Covid

Presidentja e Kosovës Vjosa Osmani ka njoftuar se Kosova do të sigurojë vaksina antiCovid, raporton Albinfo.ch.

Këtë njoftim ajo e bëri pas takimit me ministrin e shëndetësisë, Arben Vitia me të cilin tha se po koordinohen për këtë çështje.

“Me punën dhe angazhimin e jashtëzakonshëm të Ministrisë dhe të të gjitha institucioneve përkatëse si dhe në koordinim të vazhdueshëm me shtetet mike nga të cilët kemi kërkuar mbështetje, do të sigurohen vaksinat për qytetarët tanë dhe së bashku do t’ia dalim ta mundim Covid-19”, ka shkruar Osmani.

Ajo megjithatë nuk ka dhënë detaje se kur do të sigurohen vaksina të tjera dhe se nga do të sigurohen duke pasur paraaysh faktin se dozat e para të pranuara nga Kosova janë drejt fundit.