Pacolli: Në Krujë do të ndërtoj një pallat me 45 banesa

"45 banesa nga 80 metra katrorë, për 3 muaj duhet të kryhen"

Së fundi, ministri i Jashtëm i Kosovës, Behgjet Pacolli, ka bërë edhe një tjetër premtim shumë të madh.

Përveç që dhuroi 1 milion euro për të prekurit nga tërmeti, ai bëri edhe një tjetër premtim, sipas së cilës do të ndërtojë vetë banesa për ata që mbetën pa çati në kokë, duke iu referuar kështu qytetit turistik të Krujës.

Pacolli tha nga takimi në Krujë se:

“Nëse nuk ka pengesa në rastin më të mirë, një pallat, 45 banesa nga 80 metra katrorë, për 3 muaj duhet të kryhet. Aty ku ka pallate, mirë është me zbrit poshtë, për të hapur hapësirë, se Kruja është qytet turistik. Vendosim dhe një fond ne dhe bëjmë një operacion që të dalë edhe qyteti i fituar. Rregullon kualitetin e jetës, më mirë në rrafsh, ku krijohet një infrastrukturë tjetër, që ka afër shkollën e kopshtin”, përcjell albinfo.ch.

 

---