Panairi “SIAL” i Parisit, ndër panairet kryesore botërore në industrinë e ushqimit

Panairi, ku po promovohen produktet shqiptare, po i kontribuon afirmimit të prodhimeve të fushës së pijeve

Albinfo.ch siç ka raportuar mëngjesin e sotëm për prezantimin e produkteve të 10 kompanive nga Kosova në panairin SIAL në Paris, është theksuar se promovimi do të vazhdojë deri më 19 tetor 2022.

Duhet cekur se panairi i ushqimit dhe pijeve SIAL që po mbahet në Paris, Francë, është ndër panairet kryesore botërore në industrinë e ushqimit.

Me rreth 310.000 vizitorë, ky panair është një platformë e pakontestueshme për ekspozim ndaj trendeve dhe inovacionit në sektorin e përpunimit të ushqimit.

 

 

PPSE ka mbështetur vizitën në këtë panair të disa grave anëtare të Association of Fruits and Vegetable Processors of Kosovo (PePeKo) dhe partnere të tjera të projektit PPSE, për të parë prezentimet e kompanive botërore në këtë panair, trendet e fundit në përpunim të ushqimit, si dhe të mundësojë takime me blerës potencialë.

 

 

PPSE synon të zgjerojë hapësirën për rritje për bizneset e grave në sektorin e përpunimit të ushqimit. Ndër aktivitetet e rëndësishme për arritjen e këtij objektivi është pjesëmarrja direkte e grave në panaire të ndryshme për t’iu dhënë atyre mundësinë për krijimin e lidhjeve të reja biznesore.

 

 

PPSE është projekt i Agjencisë Zvicerane për Zhvillim (#SDC) dhe implementohet nga Swisscontact në Kosovë dhe nga Instituti Riinvest.

 

 

 

---