Parlamenti kërkon masa më të ashpra kundër punës “në të zezë”

Kjo mund të bëhet, veç tjerash përmes kombinimit dhe rrjetëzimit të punës së organeve të ndryshme të kontrollit.

Dhoma e Kantoneve (Senati) e Parlamentit të Zvicrës ka votuar ne shumicë votash për ligjin me të cilin forcohen masat për luftim më efikas të punës “në të zezë”. Kjo mund të bëhet, veç tjerash përmes kombinimit dhe rrjetëzimit të punës së organeve të ndryshme të kontrollit.

Po kështu abuzimet duhet të luftohen edhe përmes procedurave të thjeshtëzuara. Ato fillimisht ishin menduar vetëm për punësimin në të zezë të personelit për pastrim, me orare të shkurtëra. Por keqpërdorime ndërkaq janë bërë edhe në fusha tjera, edhe ku ka pasur të punësuar me orar të plotë.

Pikërisht këtë Dhoma e Kantoneve synon ta luftojë me këtë ligj. Ai tash i është kaluar Dhomës Nacionale për shqyrtim, me ndryshimet e bëra nga Dhoma e Kantoneve.