Parlamenti zviceran synon mundësi trajnimi për emigrantët e paligjshëm

Gjatë debatit të mërkurën, kundërshtarët argumentuan se një politikë e tillë do të inkurajonte imigracionin e paligjshëm

Parlamenti po bën presion për t’u dhënë mundësi më të lehtë trajnimit profesional emigrantëve të paligjshëm në Zvicër.

Senati ndoqi Dhomën e Përfaqësuesve dhe i bëri thirrje qeverisë të paraqes një projektligj, raporton swi, përcjell Albinfo.ch.

Gjatë debatit të mërkurën, kundërshtarët argumentuan se një politikë e tillë do të inkurajonte imigracionin e paligjshëm, duke kundërshtuar rekomandimet nga ministrja e Drejtësisë, Karin Keller-Sutter, dhe një komisioni parlamentar.

Mbështetësit, veçanërisht nga partitë e krahut të majtë, thanë se një politikë më liberale do të ndihmonte një pjesë të vogël të të rinjve shumë të motivuar.

Ndërmjet viteve 2013 dhe 2020, Zvicra hapi përkohësisht praktikën për emigrantët e paligjshëm në kushte strikte, por vetëm rreth 60 persona përfituan nga skema.

Si rezultat i vendimit të fundit, qeveria tani duhet të paraqesë një projektligj në Parlament./Albinfo.ch

---