Pas 5 muajsh e kupton se ka fituar 23 milionë

"Për vete dua t`i blej vetëm një palë atlete", ka thënë fituesja e 23 milionë dollarëve

Një grua e moshuar në Kalifdorni, SHBA, kishte harruar për plot 5 muaj në veturë biletën e lotarisë. Halli ishte se bëhej fjalë për biletën fituese, me të cilën ajo mund të tërhiqte 23 milionë dollarë. Për 5 muaj ajo ka ngarë pa e ditur, veturën në të cilën ka pasur një shumë kaq të madhe parash.

Biletën ia kishin blerë të bijat, ka sqaruar plaka më vonë. Dhe, vetëm fotografia nga kamera vëzhguese e kioskut ku shihet e bija duke blerë biletën, që doli në lajmet e televizionit, ia ka përkujtuar asaj se është fituesja.

Pak ditë para se t`i dilte afati biletës, 69 vjeçja ka shkuar për ta marrë çmimin e fituar. Me paratë e fituara, kjo nënë e shtatë fëmijëve dëshiron t`i mbështesë financiarisht fëmijët dhe nipërit e saj. “Për vete dua t`i blej vetëm një palë atlete”, ka thënë ajo për mediet amerikane.