Për dënimin si xhihadist mjafton vullneti i shprehur pro ISIS-it

Rasti i referohet një personi me shtetësi zvicerane dhe libaneze, i cili ishte arrestuar në Aeroportin e Cyrihut, pasi që kishte dashur të udhëtonte në Siri për t`iu bashkuar trupave terroriste të “Shtetit Islamik”

Personat që provojnë të udhëtojnë jashtë vendit për t`iu bashkuar xhihadistëve, edhe në rastet kur nuk ia dalin të shkojnë, bëjnë shkelje të ligjit. Mjafton qëllimi i tyre i bërë i njohur për destinimin që kanë marrë. Kështu ka vendosur Gjykata Federale e Zvicrës, si shkalla më e lartë e gjyqësisë në vend, duke vërtetuar kështu një vendim të tillë që kishte marrë Gjykata Federale Administrative, shkruan sda.ch

Rasti i referohet një personi me shtetësi zvicerane dhe libaneze, i cili ishte arrestuar në Aeroportin e Cyrihut, pasi që kishte dashur të udhëtonte në Siri për t`iu bashkuar trupave terroriste të “Shtetit Islamik”.

Përkundër faktit se personi në fjalë nuk kishte bërë ndonjë plan konkret për sulme terroriste, ai ka bërë shkelje të të ashtuquajturit “Ligj Al-Kaida/IS”, i miratuar enkas për të luftuar terrorin islamik. Sipas vendimit të Gjykatës Federale, i dënuari me vetë synimin e tij për t`iu bashkuar xhihadit, ka ushtruar propagandë për Shtetin Islamik.