Policia e Gramshit shpëtoi turisten peruane që ishte bllokuar mes shkëmbinjve

Teksa po ecte në këmbë midis shkëmbinjve, mbeti e bllokuar për shkak të terrenit të thepisur.

Një turiste nga Peruja po eksploronte të shtunën zonën në vendin e quajtur “Ujëvara e Sotirës” në Gramsh dhe teksa po ecte në këmbë midis shkëmbinjve, mbeti e bllokuar për shkak të terrenit të thepisur.

Policia njoftoi se pas kërkimeve, ka mundur të identifikojë vendodhjen e shtetases peruane dhe pas evakuimit, ajo ka marrë ndihmën mjekësore, raporton Albinfo.ch.

Në njoftimin e policisë thuhet se si rezultat i reagimit të menjëhershëm dhe punës së mirorganizuar, punonjësit e Policisë kanë bërë të mundur nxjerrjen e turistes nga terreni i vështirë, ku ishte bllokuar, të cilës, më pas, i është ofruar shërbimi mjekësor dhe aktualisht ndodhet në gjendje të mirë shëndetësore./Albinfo.ch

---